Roteiro pola Serra de Queixeiro

Seguindo coa actividade do Club de Andar, o pasado sábado 24 de Xullo 2021 unímonos á Plataforma Monfero Di Non, e as asociacións: Amigos/as do Mosteiro de Monfero e Asociación de Veciños/as de Taboada, no roteiro polo alto da Serra de Queixeiro.

Un roteiro de dúas horas que arrincou en Leguas e chegou até o mirador de Caaveiro e a Fraga de despois, pasando polo Penedo Gordo e o Berce de San Rosende (patrimonio catalogado).

Líquenes, musgos e outras plantas da Serra de Queixeiro

Berce de San Rosende

Uns din que esta poza mana auga, outros que a auga está estancada, e soamente se renova coa choiva. Sexa como fora, mellor non comprobalo. Non hai tanto tempo que a xente viña a este berce a sanar as enfermidades. Conta a historia que unha vez un home quitou a auga toda, vaciouna, e caeron sobre el as mil maldicións, e moito padeceu até morrer.

Mirador de Caaveiro

Participación en Vermeled.

 

Vermeled es una romería de la luz, una intervención paisajística y un proceso de participación ciudadana, producidas por el arquitecto Xosé Suárez y el artista visual Juan Lesta.

Sucedió el pasado 19 de Octubre en las cercanías del embalse de Beche, Abegondo, A Coruña.

En el proyecto participó la gente joven y los mayores del municipio creando y recopilando historias locales relacionadas con la luz. También se realizaron talleres de creación en la clase de nuevas tecnologías de la escuela local, y se colaboró con las pandillas de jóvenes en los lugares del bosque en los que construyen sus cabañas.





«A idea era que os cativos soubesen que con material reciclado que atopen na casa, unha pila e un led poden construír o seu propio trebello» Juan Lesta.

Nosotras participamos desde Dio3stu (laboratorio de creación sonora) instalando dos dispositivos: el Pastor Táctil y el Arpa eólica.

En el siguiente video puedes ver una prueba del Pastor táctil:




En el siguiente se pueden ver elementos de la instalación de Juan y Xosé, la pirámide de leds flotante y otros triángulos colocados en el puente, así como el grupo de gente llegando al encoro/embalse.

Se escuchan las gotas de lluvia sobre la tanza del arpa, y se puede apreciar un poco el sonido del arpa eólica, en una noche en la que casi no tuvimos viento.




Os dejamos también algunas fotos.
Arpa eólica de 120 metros, de caseta a caseta, con piezo eléctrico.

Montaje de la pirámide flotante

Recogiendo con Roberto

En prensa:

Doscientos vecinos de Abegondo se movilizan en una caminata tecnológica por el Camino Inglés

Visita aos petróglifos de Vilachá

O sábado 12 de Outubro do 2019 fixemos a visita aos petróglifos de Vilachá xunto co arqueólogo Antón Malde. No marco das actividades Historias de Vilachá 2019.

 

Quedamos ás 19:00 no Cruceiro. Formamos un grupo dunhas 35 persoas. Dende alí fomos camiñando por Fonte da Vila, Casanova, o Pedrón e o Souto até a pista que baixa cara Avercobo. Chegamos ao lugar dos petróglifos á tardiña. Visitamos o conxunto de petróglifos de Edreiros, 1, 2 e 3.

Rodeamos as rochas e Antón contounos moitas cousas sobre este tipo de patrimonio, sobre as súas orixes e sobre como tratar de interpretalos e lelos.
Podes ver máis información no PDF : Gravados rupestres no Concello de Monfero. do Grupo de Arqueoloxía da Terra de Trasancos. Publicado no Anuario Brigantino no ano 2016. 
Logo voltamos pola Naveira, o Regueiro e o Pazo até chegar ao Cruceiro. Unha noite fermosa e tranquila, e ademais ca luz da lúa chea acompañándonos.

Segunda andaina das Historias de Vilachá

Nesta segunda andaina de Vilachá estivemos 3 persoas. A data coincidiu casualmente con outros eventos na parroquia. Así que aló fomos. Comezamos no Cruceiro e fomos camiñando até O Pazo. Alí paramos e lembramos a casa do cura, que agora está tapada polas silvas e a maleza.

Despois fomos polo Regueiro, polo Penedo, polo Val, até chegar á Naveira.



Achegámonos a ver a "zona recreativa da Naveira", onde fai un tempo xuntábase algunha xente. Tamén ían celebrar o magosto nenas e nenos do colexio do Xestal. Actualmente está abandoado, aínda que persisten os columpios e case todo o mobiliario.

 

Metímonos por uns camiños até chegar a un souto que ten unha mesa, onde paramos a ler varias das Historias:

Eu quería ser de Torres
A festa era o camiño
Co cable da luz
Eras boa para ser cativo

 



Logo fomos polo Souto, polo Pedrón, e alí parámonos a ver o mar. Tiñamos unha tarde desas claras nas que se ve moi ben ao lonxe. Dende alí divisamos o Monte de San Pedro, a Torre de Hércules, e moitos outros montes e saíntes no horizonte.

Despois fomos para a Casanova, e antes de chegar á Fonte da Vila, collemos uns carreiros polo monte para ver se podiamos chegar até o Cruceiro sen ter que pisar a carretera nacional. E por alí fomos parar á carretera que vén do Porto, xa bastante preto do Cruceiro.
Aínda ficamos alí no adro da igrexa, falando un pouco até que se foi o último raio de sol da tarde.

Actividades de Outubro 2019 en Vilachá. Monfero.

No marco do proceso Historias de Vilachá 2019 realizaremos as seguintes actividades:

Paseo pola fauna e flora. Historias de Vilachá.

.

O sábado 24 e domingo 25 de Agosto, dentro do proceso Historias de Vilachá 2019, realizamos esta actividade que tiña como finalidade descubrir o ecosistema dos ríos, as plantas, os animáis, os hábitats, os lugares e as características propias da fauna e flora da parroquia de Vilachá.
Dinamizou a actividade o biólogo de Monfero Julián Carballeira. Durante as dúas sesións participaron un total de 30 persoas veciñas da comarca.

.

Na primeira sesión amosounos unha presentación que recollía numerosas especies de plantas e insectos. Poidemos ver un herbario e diversos cogumelos e formas de conservación.
Demos unha volta polo terreo do redor da escola para compartir coñecementos, detectar especies silvestres e recoñecer as diferentes árbores do entorno e as súas características.

A segunda sesión consistiu nunha andaina polo río Anduriña, para poñer en práctica os coñecementos da sesión teórica. Formamos un grupo e adentrámonos na ruta dos antigos muíños. Pasamos pola Fonte dos Mouros e fomos andando até Porto.

Durante a andaina vimos diversas especies de fieitos, musgos, líquenes e plantas, árbores, insectos, volvoretas e rastros de mamíferos, cogumelos tipo Leccinum, Russulaceas, Yesqueras e Ganodermas, entre outras, e diversos anfibios e réptiles, como a Salamandra Rabilonga (Chioglossa lusitánica), unha das xoias faunísticas da nosa comarca. Único representante actual do seu xénero, sobrevivente da fauna que habitou no Terciario os bosques termófilos europeos.

Fixéronse ramos de flores, collemos algúns bugallos e aprendemos a detectar especies de plantas con apps para móbiles.
Acabamos de volta na escola de Vilachá, onde a xente continuou falando. Xa temos aberto un grupo de Whatsapp chamado "Fauna e flora da comarca", onde seguimos compartindo información, dúbidas imaxes e descubrimentos.

Primeira andaina das Historias de Vilachá

.

O pasado sábado 17 de Agosto fixemos a andaina das Historias de Vilachá.
A actividade consistiu nun roteiro polos lugares emblemáticos onde suceden algunhas das historias e relatos que aparecen no libro publicado no 2018, facendo lectura dos relatos nas paradas.
Formamos un grupo de 19 persoas, a maioría veciñas da parroquia. A actividade foi dinamizada por Vanesa Castro, veciña da parroquia e axitadora cultural.

Comezamos no Cruceiro, e acercámonos até o adro da Igrexa onde fixemos unha introducción lembrando as veciñas e veciños que xa non están con nós, e que forman parte da memoria viva da parroquia. Neste lugar lemos:  O velorio e as visitas, O enterro e A tortilla.

Partimos até o Loureiro, paramos na casa de Consuelo, e recordámola. Lemos A madeira, As papas de fariña, Odín, e Eras boa para ser cativo. Estivemos falando do pan branco de Vilachá, do maínzo para as papas, e das sementes autóctonas.

A seguinte parada foi no cruce das brañas embaixo do Feal. Alí falamos das granxas de vacas, e lemos As vacas, A visita e As flores das brañas.

Continuamos até a ponte que vai de Goente ao Casal, onde lemos O río, As troitas e As pontes. E de ahí fomos bordeando o coto de Fradiz até baixar á ponte e ao muíño do Loureiro, lugar onde sucedeu A paga de Pascua e onde lemos tamén Os muíños.

Fomos até o Piñeiro e baixamos á antiga Presa de Rexo onde lemos A presa , O libro do indiano e O pedrazo. Aínda que comezaba a chover un pouco paramos na ponte do Piñeiro e estivemos vendo as antigas chantas e falando da pesca das troitas.

Logo tomamos o camiño para A lagoa, antigo campo de fútbol da parroquia, onde se coñeceron os primeiros balóns de coiro. Alí lemos A pelota de pau e estivemos rememorando onde estaban as porterías e onde se sentaba a xente a ver os partidos.
Tras dúas hora e media de camiñata fomos acabar ao Bar do Cruceiro, onde lemos algunhas historias relacionadas co Bar, como O teléfono, A radio e A tele.
Foi unha tarde de lecturas, aventuras, lembranzas e veciñanza.
Unha veciña comentaba, canto vou soñar esta noite.
 

Actividades de Agosto en RuralC Monfero

Este Agosto 2019 realizaremos as seguientes actividades relacionadas co proceso/proxecto Historias de Vilachá
Agardamos que veñas.