Este setembro presentamos O vento no horizonte das nosas aldeas, unha unidade didáctica integrada sobre o impacto dos polígonos industriais de xeneradores eléctricos.
Esta unidade didáctica é unha proposta da Asociación Rural Contemporánea á Comunidade de Accións e Saberes Arredor do Rural. Unha unidade didáctica deseñada para o nivel educativo de Educación Infantil feita como colaboración entre Rural C e a rede Arredor do Rural (impulsada pola asociación Avoar, o GI Esculca e a USC).
Hai un ano, dende a asociación comezamos a desenvolver o traballo do grupo de mapas GIS_MonferoDiNON (mapas nos que visibilizar os proxectos de macroeólicos proxectados e en
tramitación nas nosas aldeas e territorios), os videos 3D, a campaña
Natura2000 vs Eólicos en Galicia, o Informe Macroeólicos Galicia e ofrecendo outros moitos recursos. Partindo dos resultados do INFORME “MacroeólicosGalicia” 👈 e
da necesidade de achegar ás escolas o impacto das industrias renovables
nas nosas serras e aldeas, puxémonos como obxectivo ter unha unidade
didáctica integrada que ofrecer a partires deste curso 2022-2023.
Esta unidade didáctica integrada para Educación Infantil vai acompañada do álbum ilustrado en versión dixital "Unha carta prometedora".
Podes descargar aquí os pdf coa unidade didáctica integrada, O vento no horizonte das nosas aldeas, e mais o álbum ilustrado, Unha carta prometedora.
Se queres, temos tamén para descargar unha versión da unidade didáctica co texto xustificado ao centro.
A unidade didáctica e o álbum ilustrado están feitos para poder compartilos, usalos, melloralos..., baixo unha licenza Creative Commons Atribución-CompartirIgual 4.0 Internacional (CC BY-SA 4.0), así que adiante!
Deixamos un pequeno formulario coa intención de ter unha retroalimentación do uso da Unidade Didáctica Integrada "O vento no horizonte das nosas aldeas", tanto respecto a coñecer o seu impacto como tamén valoracións e suxerencias.
O vento no horizonte das nosas aldeas na prensa
Entrevista a Vanesa Castro na radio SER de Ferrol:
Una unidad didáctica para escolares aborda el impacto de los eólicos en las zonas rurales:
Un millar de personas se manifiestan en A Coruña contra los parques eólicos:
Un proyecto didáctico lleva a las escuelas gallegas el impacto de los parques eólicos sobre el entorno:
Un colectivo de Monfero crea una unidad didáctica sobre el impacto eólico en el rural:
Parabéns!!! Avante com as unidades didáticas para educar em galego as crianças galegas
ResponderEliminar